പൂനൂരിൽ കാറിടിച്ച് പരുക്കേറ്റ യുവാവ് മരിച്ചു

പൂനൂർ: ഇന്നു പുലർച്ചെ മൂന്നോടെ പൂനൂരിൽ വച്ച് കാറിടിച്ച് പരുക്കേറ്റ യുവാവ്  മരിച്ചു. പൂനൂർ ഇമ്മിണികുന്നുമ്മൽ സുബൈർ (45) ആണ് മരിച്ചത്.  പച്ചക്കറി ചാക്കുമായി റോഡു മുറിച്ചു കടക്കുമ്പോൾ  താമരശ്ശേരി ഭാഗത്തു നിന്നും കൊയിലാണ്ടി ഭാഗത്തേക്ക് പോകുകയായിരുന്ന കണ്ണൂർ സ്വദേശികളുടെ കാർ യുവാവിനെ ഇടിച്ചു തെറിപ്പിക്കുകയായിരുന്നു. ഗുരുതരമായി പരുക്കേറ്റ ഇയാളെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്നു. തീവ്രപരിചരണ വിഭാഗത്തിൽ ചികിത്സയിലിരിക്കെ ഇന്ന് ഉച്ചയോടെയാണ് മരിച്ചത്.   കർണാടകയിൽ നിന്നും പച്ചക്കറി എത്തിച്ച് കടകളിൽ വിതരണം ചെയ്യുന്നതായിരുന്നു സുബൈറിൻ്റെ ജോലി.