പരപ്പൻപൊയിൽ - കാരക്കുന്നത്ത് റോഡിൻ്റെ ലാൻ്റ് മാർക്കിംഗ് ആരംഭിച്ചു

കൊടുവള്ളി :   മണ്ഡലത്തിലെ പരപ്പൻപൊയിൽ - പുന്നശ്ശേരി - കാരക്കുന്നത്ത് റോഡിൻ്റെ നവീകരണ പ്രവർത്തിയുടെ ഭാഗമായി വീതി കൂട്ടേണ്ട സ്ഥലങ്ങളുടെ മാര്‍ക്കിംഗ് പ്രവർത്തികൾ ആരംഭിച്ചു. 

പരപ്പൻപൊയിലിൽ വച്ച് താമരശ്ശേരി ഗ്രാമ പഞ്ചായത്ത് പ്രസിഡണ്ട് എ. അരവിന്ദൻ്റെ നേതൃത്വത്തിൽ ആദ്യ മാർക്കിംഗ് നിർവഹിച്ചു. 

നാലു പഞ്ചായത്തുകളെയും ഒരു മുനിസിപ്പാലിറ്റിയേയും ബന്ധിപ്പിക്കുന്ന പ്രധാന പാതയായ പരപ്പൻപൊയിൽ - കാരക്കുന്നത്ത് റോഡ് പ്രവൃത്തി സമയബന്ധിതമായി പൂർത്തീകരിക്കുന്നതിന് ആവശ്യമായ പ്രവർത്തികളാണ് നിലവിൽ നടന്നുകൊണ്ടിരിക്കുന്നത്. 

 കേരള റോഡ് ഫണ്ട് ബോർഡ് ഉദ്യോഗസ്ഥരുടേയും, പ്രവർത്തി ഏറ്റെടുത്ത ഊരാളുങ്കൽ ലേബർ കോൺട്രാക്ട് കോപറേറ്റീവ് സൊസൈറ്റിയുടെയും (ULCCS), ജനപ്രതിനിധികളുടേയും, റോഡ് വികസന കമ്മിറ്റി ഭാരവാഹികളുടേയും, പൊതുപ്രവർത്തകരുടേയും നേതൃത്വത്തിലാണ് സ്ഥലം അടയാളപ്പെടുത്തുന്ന പ്രവർത്തികൾ ആരംഭിച്ചിട്ടുള്ളത്.