താമരശേരി: താമരശേരി താലൂക്ക് ആശുപത്രിയിൽ ഈ വർഷത്തെ ഹജ്ജ് യാത്രക്കാർക്കുള്ള വാക്‌സിനേഷൻ ക്യാംപ് എം.കെ മുനീർ എം.എൽ.എ ഉദ്ഘാടനം ചെയ്തു. കൊടുവള്ളി, തിരുവമ്പാടി, ബാലുശേരി മണ്ഡലത്തിലെ 920 പേർക്കാണ് കുത്തിവയ്പ്പ് നടത്തിയത്. ബ്ലോക്ക് പഞ്ചായത്ത് പ്രസിഡന്റ് കെ.എം അഷ്‌റഫ് അധ്യക്ഷനായി. കേരള സ്റ്റേറ്റ് ഹജ്ജ് കമ്മിറ്റി ചെയർമാൻ ഹുസൈൻ സഖാഫി ചുള്ളിക്കോട് മുഖ്യാതിഥിയായിരുന്നു. മുൻ എം.എൽ.എ വി.എം ഉമ്മർ മാസ്റ്റർ, പഞ്ചായത്ത് വൈസ് പ്രസിഡന്റ് സൗദാ ബീവി, പഞ്ചായത്ത് ക്ഷേമകാര്യ സ്ഥിരംസമിതി ചെയർപേഴ്‌സൺ മഞ്ജിത കുറ്റിയാക്കിൽ, ബ്ലോക്ക് പഞ്ചായത്ത് അംഗം സുമാ രാജേഷ്, ആശുപത്രി സൂപ്രണ്ട് ഇൻ ചാർജ് ഡോ. ഫെന്നി കെ. പോൾ, ലുഖ്മാൻ ഹാജി, കെ.കെ.എ ഖാദർ, യൂസുഫ് ഹാജി, കെ.സി ബഷീർ, ഹാരിസ് അമ്പായത്തോട്, പി.എസ് മുഹമ്മദലി, പി.പി ഹാഫിസുറഹ്‌മാൻ, സലീം പുല്ലടി, ആർ.കെ മൊയ്തീൻ കോയ, റാഷി താമരശേരി, നവാസ് ഈർപോണ, നാസിമുദ്ദീൻ, മുഹമ്മദലി, പി.പി അബ്ദുൽ ഗഫൂർ, സെയ്തലവി കാരാടി, ജൂനിയർ ഹെൽത്ത് ഇൻസ്പെക്ടർ ഗിരീഷ്, എ.കെ കൗസർ, നൗഫൽ പനന്തോട്ടത്തിൽ സംസാരിച്ചു.
0 Comments