ബാഡ്മിന്റൺ സെലക്ഷൻ നാളെ ഇൻഡോർ സ്റ്റേഡിയത്തിൽ

കോഴിക്കോട് : ജില്ലാ സ്പോർട്സ് കൗൺസിലിന്റെ ബാഡമിന്റൺ അക്കാദമിയിലേക്ക് സെലക്ഷൻ നടത്തുന്നു. ഫെബ്രുവരി 16 ന് രാവിലെ 10 മണിക്ക് നടക്കുന്ന സെലക്ഷൻ ട്രയൽസിൽ 5 മുതൽ 10 വയസ്സ് വരെയുളള കുട്ടികൾക്ക്  പങ്കെടുക്കാം. ദീർഘകാല ബാഡമിന്റൺ  പരിശീലനത്തിനുള്ള തിരഞ്ഞടുപ്പ് കോഴിക്കോട് വി കെ കൃഷ്ണമേനോൻ  ഇൻഡോർ സ്റ്റേഡിയത്തിൽ വച്ചാണ് നടക്കുക. എല്ലാ ദിവസം വൈകീട്ട്  4.30 മുതൽ 8 വരെയാണ് പരിശീലനം. കേരളത്തിലെ അറിയപ്പെടുന്ന ബാഡമിന്റൺ പരിശീലകനും എൻഐഎസ് യോഗ്യതയുളള കോച്ചുമായ അഭിലാഷ് ടെന്നിസൺ ആണ് ചീഫ് കോച്ച്. ജില്ലയിലെ താരങ്ങൾക്ക് ഷട്ടിൽ ബാഡമിന്റൺ മേഖലയിൽ സംസ്ഥാന, രാജ്യാന്തര, ലോകോത്തര അവസരങ്ങൾ സ്യഷ്ടിക്കുക എന്ന ലക്ഷ്യത്തോടുകൂടിയാണ് അക്കാദമി പ്രവർത്തിക്കുന്നത്. സെലക്ഷൻ ട്രയൽസിൽ പങ്കെടുക്കുന്ന കുട്ടികൾ ആധാർ കാർഡിന്റെ കോപ്പി, 2 പാസ്പ്പോർട്ട് സൈസ് ഫോട്ടോ, കളിക്കുന്നതിനുള്ള യൂണിഫോം എന്നിവയുമായി എത്തണം. 

ഫോൺ: 0495-2722593, 8129332654.