താമരശേരി : കേന്ദ്ര അവഗണനക്കെതിരെയും വിദ്യാഭ്യാസ രംഗത്തെ കാവി വൽക്കരണത്തിനുമെതിരെ സിപിഐ എം സംഘടിപ്പിക്കുന്ന ഉപരോധ സമരത്തിന്റെ പ്രചാരണാർഥം നടത്തുന്ന താമരശേരി ഏരിയാ കാൽനട പ്രചാരണ ജാഥയ്ക്ക് തുടക്കം. കട്ടിപ്പാറയിൽ സിപിഐ എം ജില്ലാ കമ്മിറ്റിയംഗം പി കെ മുകുന്ദൻ ജാഥാ ക്യാപ്റ്റൻ ഏരിയാ സെക്രട്ടറി കെ ബാബുവിന് ചെമ്പതാക കൈമാറി ഉദ്ഘാടനം ചെയ്തു. ഏരിയ കമ്മിറ്റിയംഗം സി പി നിസാർ അധ്യക്ഷനായി. ജാഥാ ക്യാപ്റ്റനെ രക്തഹാരമണിയിച്ചു. എൻ കെ സുരേഷ്, പി കെ ബാബു, കെ കെ അപ്പുകുട്ടി, ടി കെ അരവിന്ദൻ എന്നിവർ സംസാരിച്ചു.കട്ടിപ്പാറ ലോക്കൽ സെക്രട്ടറി നിധീഷ് കല്ലുള്ളത്തോട് സ്വാഗതവും സി.എം അബ്ദുൾ അസീസ് നന്ദിയും പറഞ്ഞു.
ഏരിയാ കമ്മിറ്റി അംഗങ്ങളായ കെ ജമീല ഡെപ്യൂട്ടി ലീഡറും പി കെ ബാബു മാനേജരും എൻ കെ സുരേഷ് പൈലറ്റുമായ ജാഥ വെസ്റ്റ് കൈതപൊയിൽ നിന്ന് പ്രയാണമാരംഭിച്ചു. 18 ലോക്കലുകളിലെ സ്വീകരണങ്ങൾക്കു ശേഷം ജാഥ 23ന് വൈകിട്ട് കരുമലയിൽ ടൗണിൽ സമാപിക്കും.
0 Comments