ഓടിക്കൊണ്ടിരിക്കെ ബസ്സിന് തീപിടിച്ചു

കോഴിക്കോട് - പാലക്കാട് ദേശീയപാതയിൽ കൊണ്ടോട്ടിക്ക് സമീപം ഓടിക്കൊണ്ടിരുന്ന സ്വകാര്യ ബസ്സിന് തീപിടിച്ചു. കരിപ്പൂർ എയർപോർട്ടിന് സമീപം ഇന്ന് രാവിലെ 8:48 ഓടെയായിരുന്നു അപകടം. തീപിടിത്തം ഉണ്ടായ ഉടൻ തന്നെ ബസിലെ യാത്രക്കാർ പുറത്തിറങ്ങിയതിനാൽ വൻ ദുരന്തം ഒഴിവായി.

സംഭവത്തിൽ ബസ് പൂർണമായും കത്തിനശിച്ചു. യാത്രക്കാർക്ക് ആർക്കും പരിക്കേറ്റിട്ടില്ലെന്നാണ് പ്രാഥമിക വിവരം. തീ ആളിപ്പടർന്ന് ബസിന്റെ ടയറുകൾ അടക്കം ഉഗ്ര ശബ്ദത്തിൽ പൊട്ടിത്തെറിച്ചു. തീപിടിത്തത്തിന്റെ കാരണം വ്യക്തമല്ല.

വിവരമറിഞ്ഞ് ഫയർഫോഴ്സ് യൂണിറ്റുകൾ സ്ഥലത്തെത്തി. സംഭവത്തെത്തുടർന്ന് ദേശീയപാതയിൽ ഗതാഗതം തടസ്സപ്പെട്ടിരുന്നു.