പേരാമ്പ്രയിൽ വാഹനാപകടത്തിൽ മൂന്നു പേർക്ക് പരിക്കേറ്റു

പേരാമ്പ്ര: ബൈപാസ് റോഡിൽ വാഹനാപകടത്തിൽ മൂന്നു പേർക്ക് പരിക്കേറ്റു. കാറും ജീപ്പും കൂട്ടിയിടിച്ചാണ് മൂന്നു പേർക്ക് പരിക്കേറ്റത്. ഇന്ന് രാവിലെ 11ഓടെ പൈതോത്ത് റോഡ് ജംഗ്ഷനിലാണ് അപകടം. കോഴിക്കോട് ഭാഗത്തു നിന്നും വരികയായിരുന്ന കാർ പൈതോത്ത് നിന്നും പേരാമ്പ്രയ്ക്ക് സർവിസ് നടത്തുന്ന ജീപ്പിൽ  ഇടിക്കുകയായിരുന്നു. ഇടിയുടെ ആഘാതത്തിൽ ജീപ്പ് കറങ്ങിത്തിരിഞ്ഞു ഡിവൈഡറിന് അരികിലേക്ക് എത്തി. അപകടത്തിൽ പരിക്കേറ്റ കിഴക്കൻ പേരാമ്പ്ര വടക്കേ പറമ്പിൽ മല്ലിക (49), പീടികയുള്ള പറമ്പിൽ ഫൗസിയ (39), പൈതോത്ത് കോരങ്കണ്ടി മൊയ്തി (73) എന്നിവരെ ഇ.എം.എസ് സഹകരണ ആശുപത്രിയിൽ പ്രവേശിപ്പിച്ചു. ജീപ്പിൽ നിന്നും തെറിച്ചു റോഡിൽ വീണാണ് സ്ത്രീകൾക്ക് പരിക്കേറ്റത്.